Пракуратурай Віцебскай вобласці прааналізавана практыка пракурорскага нагляду за выкананнем заканадаўства ў аграпрамысловым комплексе паўночнага рэгіёну

На працягу мінулага года органамі пракуратуры ў арганізацыях АПК праведзена 75 (111) праверак па распараджэнні і ахове ўласнасці, або 57,3% ад агульнай колькасці праверак па гэтых пытаннях. Унесена 115 (160) прадстаўленняў, вынесена 210 (162) прадпісанні, прынесена 9 (40) пратэстаў, да дысцыплінарнай адказнасці прыцягнута 511 (570) асоб, да адміністрацыйнай адказнасці – 88 (47) асоб, да матэрыяльнай – 593 (615) на суму 40 440 (44 728) рублёў.

Найбольш актыўна і вынікова праводзіліся праверкі пракурорамі Глыбоцкага, Верхнядзвінскага, Лёзненскага, Сенненскага, Талачынскага і Ушацкага раёнаў.

На пастаянным кантролі ў 2017 годзе знаходзіліся пытанні масавых палявых работ (пасяўных, уборкавых, нарыхтоўкі кармоў), захаванасці ўраджаю, жывёлы, тэхнікі ў тым ліку ў зімовы перыяд, рацыянальнага выкарыстання матэрыяльных рэсурсаў і грашовых сродкаў, дзяржаўнай падтрымкі.

Факты недастачы тэхнікі і абсталявання, разыходжанні даных бухгалтарскага ўліку з фактычнай наяўнасцю адзінак сельскагаспадарчай тэхнікі, разукамплектавання, спісання транспартных сродкаў, утойвання псавання тэхнікі ў выніку ДТЗ, пажараў выяўлены ў Чашніцкім, Браслаўскім, Верхнядзвінскім, Лепельскім, Аршанскім, Талачынскім, Пастаўскім, Расонскім, Сенненскім і іншых раёнах.

У Віцебскім, Глыбоцкім, Гарадоцкім, Браслаўскім, Верхнядзвінскім, Лепельскім, Полацкім, Расонскім, Чашніцкім раёнах арганізацыя правядзення дзяржаўнага тэхнічнага агляду ў сельскагаспадарчых арганізацыях не адпавядала патрабаванням Правілаў правядзення дзяржаўнага тэхнічнага агляду колавых трактароў, прычэпаў да іх, самаходных машын і іх допуску да ўдзелу ў дарожным руху.

У сувязі з выяўленымі парушэннямі заканадаўства ў дзейнасці інспекцый дзяржтэхнадзору пракуратурай вобласці ўнесена адпаведнае прадстаўленне начальніку Віцебскай абласной інспекцыі дзяржтэхнадзору, па патрабаванні органаў пракуратуры да дысцыплінарнай адказнасці прыцягнуты 17 раённых інспектараў дзяржтэхнадзору.

Органамі пракуратуры вобласці таксама прыняты арганізацыйныя і практычныя меры па

забеспячэнні выканання патрабаванняў заканадаўства ў перыяд уборачнай кампаніі.  Усяго па выніках праверак унесена 30 прадстаўленняў, вынесена 132 прадпісанні. Па патрабаванні пракурораў да дысцыплінарнай адказнасці прыцягнута 103 асобы, да адміністрацыйнай адказнасці 85 асоб.

У гаспадарках пракурорамі паўсюдна выяўляліся факты невыканання даручэння Кіраўніка дзяржавы ў частцы своечасовасці падрыхтоўкі збожжаўборачнай і іншай тэхнікі да правядзення ўборачных работ. Па выніках рэйдавых мерапрыемстваў вынесена 91 прадпісанне, за невыкананне патрабаванняў актаў пракурорскага нагляду да адміністрацыйнай адказнасці прыцягнуты 19 службовых асоб.

Акрамя таго органамі пракуратуры вобласці праведзены праверкі надлежнага выканання патрабаванняў Закона Рэспублікі Беларусь «Аб ідэнтыфікацыі, рэгістрацыі, прасочвальнасці сельскагаспадарчых жывёл (કરણёў), ідэнтыфікацыі і прасочвальнасці прадуктаў жывёльнага паходжання» (далей – Закон), па выніках якіх унесена 15 прадстаўленняў у выканаўчыя органы, вынесена 55 прадпісанняў кіраўнікам гаспадарак, па патрабаваннях пракурораў да дысцыплінарнай адказнасці прыцягнута 66 вінаватых службовых асоб.

У прыватнасці, былі ўстаноўлены парушэнні тэрмінаў унядрэння сістэмы ідэнтыфікацыі, устаноўленых мясцовымі органамі ўлады, дапускалася несвоечасовае біркаванне пры наяўнасці інвентара, несвоечасовае ўнясенне інфармацыі ў ІС ATIS, ненадлежнае запаўненне звестак у электронных пашпартах народжаных жывёл па прычыне нядобрасумленнага стаўлення да выканання службовых абавязкаў работнікамі гаспадарак і адсутнасці належнага кантролю з боку кіраўнікоў сельгаспрадпрыемстваў.

Мелі месца і парушэнні парадку арганізацыі закупак за кошт уласных сродкаў, якія выразіліся ў неразмяшчэнні асобнымі сельгасарганізацыямі у адкрытым доступе на афіцыйным сайце ІС «Тэндэры» палажэнняў аб закупках тавараў (работ, паслуг) за кошт уласных сродкаў.

Работа нагляднага ведамства ў гэтым напрамку будзе працягнута.

Старшы пракурор аддзела пракуратуры вобласці Вольга Грыцкевіч.