Пракурор Віцебскай вобласці і начальнік УСК па Віцебскай вобласці правялі сумесны выязны прыём у Наваполацкім гарвыканкаме

За час прыёму, які доўжыўся больш за тры з паловай гадзіны, да пракурора вобласці звярнулася 13 чалавек. Грамадзяне звярталіся з пытаннямі, якія тычацца выключэння з садаводчых таварыстваў рэгіёну, незгады з рашэннямі суда па грамадзянскіх і крымінальных справах, а таксама рашэннямі, прынятымі супрацоўнікамі органаў папярэдняга расследавання, тэрытарыяльных унутраных спраў і па іншых пытаннях.

На некаторыя звароты адказы і адпаведныя тлумачэнні былі дадзены падчас прыёму, а па заявах, якія патрабуюць дадатковай праверкі, вынікі будуць паведамлены пасля яе завяршэння.

Арганізацыйна-кантрольны аддзел пракуратуры вобласці.