Праведзена пасяджэнне Грамадскага савета пры пракуратуры Віцебскай вобласці па кантролі за дзейнасцю праваахоўных (іншых дзяржаўных) органаў і процідзеянні карупцыі

У канферэнц-зале ААТ «Віцязь» пад старшынствам першага намесніка пракурора Віцебскай вобласці Коржава І.Н. адбылося чарговае пасяджэнне Грамадскага савета пры пракуратуры Віцебскай вобласці па кантролі за дзейнасцю праваахоўных (іншых дзяржаўных) органаў і процідзеянні карупцыі.

На парадку дня – шэраг актуальных пытанняў у сферы процідзеяння карупцыі ў рэгіёне, праблематыка прымянення і шляхі удасканалення антыкарупцыйнага заканадаўства, ацэнка эфектыўнасці грамадскага кантролю ў сферы процідзеяння карупцыйным праявам.

У правядзенні форуму актыўны ўдзел прынялі намеснік старшыні аблвыканкама Пянін В.П., прадстаўнікі кантралюючых органаў рэгіёна (КРУК Віцебскай вобласці, ІМПЗ па Віцебскай вобласці), кіраўнікі шэрагу прадпрыемстваў і арганізацый рэгіёна розных форм уласнасці, у прыватнасці, генеральныя дырэктары: ААТ «Віцязь» Азараў Г.П., ААТ «Віцебскаблаўтатранс» Старавойтаў С.І., ААТ «Малако» г. Віцебск Пінчук М.С., дырэктар УП «ЧЭС-Бел-Агра» Ботнарь В.Н., намеснік генеральнага дырэктара ТАА «ПВ «Энергакамплект» Селязнёў В.А. і іншыя.

Інтарэсы дырэктарскага корпуса гаспадарчых суб'ектаў былі прадстаўлены Віцебскім абласным саюзам наймальнікаў у асобе старшыні Туравінава В.П.

З пазіцыі абароны правоў і інтарэсаў працоўных, у тым ліку займаючых кіраўнічыя пасады, выступіў старшыня Віцебскага абласнога аб'яднання прафсаюзаў Вазьміцель І.К.

Абмяняліся думкамі, выклаўшы сваё бачанне карупцыйных рызык у вытворчай дзейнасці, перш за ўсё ў сферы закупак, і іншыя прадстаўнікі бізнес-супольнасці рэгіёна.

Удзельнікамі форуму абмяркоўваліся прапановы па змене антыкарупцыйнага заканадаўства:

- дэклараванне бонусаў, вяртанняў на банкаўскія карты, токенаў (крыптавалюты), дробных падарункаў і г.д.;

- увядзенне адміністрацыйнай адказнасці юрыдычныхасоб за хабарніцтва (у выпадку дачы хабару работнікам у інтарэсах арганізацыі); унясенне такіх прадпрыемстваў у адпаведныя адкрытыя для доступу рэестры;

- увядзенне адміністрацыйнай адказнасці кіраўнікоў за непрыняцце прадугледжаных заканадаўствам мер па барацьбе з карупцыяй;

- тэсціраванне кандыдатаў на дзяржслужбу, іншыя кіраўнічыя пасады з павышаным узроўнем карупцыйных рызык, а таксама «унутраны» кантроль дзяржаўных службовых асоб з прымяненнем тэхнічных сродкаў кантролю, а менавіта паліграфа («дэтэктара хлусні»);

- заканадаўчае замацаванне такой падставы звальнення з дзяржаўнай службы як «у сувязі з стратай даверу»

Выказаліся ўдзельнікі пасяджэння і па пытаннях рэалізацыі асобных норм Дэкрэта Прэзідэнта Рэспублікі Беларусь ад 21.12.2017 № 8 «Аб развіцці лічбавай эканомікі», у тым ліку па прадастаўленні льгот і прэферэнцый удзельнікам адносін, звязаных з прымяненнем сучасных тэхналогій (вызваленне ад выплаты падаткаў у сувязі з дзейнасцю па майнінгу, стварэнню, набыццю, адчужэнню токенаў), а таксама магчымыя карупцыйныя рызыкі ў сферы абароту лічбавай валюты.

Вынікі пасяджэння падвёў першы намеснік пракурора вобласці Коржоў І.Н., які звярнуў увагу прысутных на неабходнасць безумоўнага выканання патрабаванняў заканадаўства аб барацьбе з карупцыяй, забеспячэння прынцыповага падыходу пры вырашэнні пытання аб адказнасці асоб, якія дапусцілі парушэнні патрабаванняў названага заканадаўства.

Начальнік аддзела па барацьбе з карупцыяй
і арганізаванай злачыннасцю
пракуратуры вобласці
Е. Лапкоўскі.