Старшыня Віцебскага аблвыканкама Мікалай Шарснёў заклікаў кіраўнікоў арганізацый працаваць над пошукам механізмаў павышэння эфектыўнасці вытворчасці ў рамках кадравага дня

Кіраўнік вобласці лічыць, што выкананне пастаўленых задач па асноўных паказчыках развіцця прадпрыемстваў залежыць ад узроўню дзелавой кваліфікацыі кадраў. Таму сёння патрэбны не пасіўныя кіраўнікі, а ініцыятыўныя і пісьменныя, здольныя ўдасканаліць дзейнасць арганізацыі. Адсюль — максімальная стараннасць пры адборы кандыдатаў на кіруючыя пасады.

Вопыт работы Дзмітрыя Фоміна першым намеснікам старшыні камітэта па архітэктуры і будаўніцтве аблвыканкама будзе запатрабаваны на ДП «Віцебскаблсельбуд». Адгэтуль ён кіраўнік гэтага прадпрыемства. Як ніхто іншы ведае нюансы будаўнічага комплексу і нацэлены на вынік, адзначыў намеснік старшыні аблвыканкама Уладзімір Белавус, характарызуючы кіраўніцкі патэнцыял Дзмітрыя Аляксандравіча. Прызначанец вылучае тры важныя ядра для перспектыўнага развіцця арганізацыі: пашырыць спектр паслуг, што аказваюцца, павялічыць аб'ёмы будаўніча-мантажных работ, актыўней удзельнічаць у тэндарах. Разумее кіраўнік і адно з важных патрабаванняў кіраўніка вобласці: кожны элемент у вялікім вытворчым ланцужку павінен быць пралічаны і вывераны праз прызму фінансава-эканамічнай аддачы.

Падобны да гэтага партфель задач у прызначанага генеральным дырэктарам ААТ «Віцебскаблрэсурсы» Дзмітрыя Самуськова. Ацаніць маштабы намечанай работы і павысіць запас трываласці для эканомікі прадпрыемства дапаможа 5-гадовы досвед работы намеснікам старшыні Наваполацкага гарвыканкама.

УП ЖКГ Глубокскага раёна даверана Юрыю Лінкевічу, які апошнія 3 гады працаваў тут галоўным інжынерам. Кіраўнік ведае: у любую пару года ў арганізацыі мноства клопатаў, як запланаваных, так і непрадбачаных. Таму лічыць апраўданым правіла: ад выразнасці і зладжанасці ў працы залежаць у выніку якасць і поўнасць жыццезабеспячэння насельніцтва раёна камунальнымі паслугамі, а таксама бяспека функцыянавання ўсіх тэхнічных сістэм і абсталявання. Сярод прыярытэтных напрамкаў, азначаных Юрыем Часлававічам, — мадэрнізацыя кацельняў і цеплавых сетак, добраўпарадкаванне двароў. Працаваць трэба і над зніжэннем выдаткаў. Улічваць трэба і тое, каб максімальная эканомія затрат не адгукнулася на якасці і аб'ёме паслуг, што аказваюцца.

Стварыць перадумовы для эфектыўнага кіравання ААТ «Маяк Высокае» Аршанскага раёна даручана яго новаму дырэктару Алегу Макарэвічу.

— У земляробстве і жывёлагадоўлі патрэбны толькі сучасныя падыходы. Нельга выкарыстоўваць тэхналогіі дваццацігадовай даўніны. Хочаце ісці ў нагу з часам – укарайце найноўшыя распрацоўкі, — заклікаў новага дырэктара арганізацыі Мікалай Шарснёў.

На павышэнне прадукцыйнасці працы нацэлены кіраўнікі сельгаспрадпрыемстваў «Мішневічы» Шумілінскага раёна Міхаіл Цікавенка, «Чарневічы» Глубокскага раёна Уладзімір Бабіч, «Іванскі-Агра» Чашніцкага раёна Ігар Мароз, якім узгоднена працягненне кантрактаў. Бо не сакрэт, што арганізацыі, дзе высокія паказчыкі па надоях, прыбаўках вагі і высокая шчыльнасць жывёлы, паспяховыя, таму маюць рэальную крыніцу для выплаты больш высокага заробку.

Наладзіць становішча спраў па лініі узнаўлення статка — задача нумар адзін для УКСП «Рыдамльскі» Талачынскага раёна на чале з Васілём Хадкевічам. Ён не хавае: у працы ёсць промахі.

— У гаспадарках, дзе высокая прадукцыйнасць дойнага статка, на асаблівым рахунку тэхнік-апладніцель. Там, дзе недаацэнена значэнне узнаўлення, як правіла, і вынікі далёка ад запаветных вышынь, — сказаў старшыня аблвыканкама, даручаючы кіраўніку надаць увагу фарміраванню кадравага патэнцыялу, матывацыі работнікаў да якаснай працы.

Гэта тычыцца і дырэктара ААТ «Буеўшчына» Шаркаўшчынскага раёна Анатоля Буды. Нягледзячы на тое, што мінулы год з-за капрызаў прыроды выдаўся для прадпрыемства няпростым, як і для многіх іншых, аднак, будучы практычна ў роўных умовах, адным калектывам удалося прыплюсаваць, іншым — не. Да таго ж Анатолю Ігнацьевічу, а таксама дырэктарам ААТ «Туркова» Мёрскага раёна Івану Юрашку, філіяла СПП «Пражэктар» ААТ «Віцебскхлебпрам» Лепельскага раёна Аляксандру Дзямку варта кардынальна адфарматаваць падыход да вядзення раслінаводства, улічваючы кліматычныя ўмовы і ўрадлівасць земляў, і з карысцю для справы задзейнічаць даведзеную структуру пасяўных плошчаў. Дарэчы, гэтая тэма не сыходзіць з пазіцый найбольш часта ўзнятых на кадравых днях. Мікалай Шарстнёў робіць стратэгічную стаўку на стопрацэнтнае выкананне ўсімі арганізацыямі АПК такой задачы і не стамляецца паўтараць: драйверамі росту павінны стаць паказчыкі эфектыўнасці, рэнтабельнасці, фінансавы стан гаспадарак.

Для падаўжэння кантракту запрошаны генеральны дырэктар ААТ «Верхнядзвінскі райаграсэрвіс» Сяргей Скавародка, які таксама атрымаў шэраг персанальных заданняў: нарошчваць тэмп аказання паслуг, працаваць па зніжэнні ўзроўню затрат.

Асобны блок – тэхніка, на працаздольнасць якой шмат у чым уплывае ачышчаная ад камянёў глеба. Таму перш чым пусціць машыны па палях, своечасовым зборам такога «ўраджаю» даручана заняцца КСХУП «Племянны завод Рэканструктар» Талачынскага раёна на чале з Аляксандрам Машкаровым. Без гэтага ніяк, інакш гаспадарка проста збанкрутуе на куплі запасных частак. Тэхніка да вясенняй сельскагаспадарчай кампаніі павінна быць гатовай.