Вынікі праведзеных праверак сведчаць аб наяўнасці шэрагу нявырашаных праблем у сферы аховы помнікаў архітэктуры, горадабудаўніцтва, гісторыі і археалогіі

З прычыны важнасці захавання гістарычнай і культурнай спадчыны нашай дзяржавы для наступных пакаленняў пракурорамі штогод надаецца ўвага гэтым пытанням. Не з'яўляецца выключэннем і бягучы год.

Вынікі праведзеных у большасці рэгіёнаў вобласці правярак сведчаць аб наяўнасці шэрагу нявырашаных праблем у сферы аховы помнікаў архітэктуры, горадабудаўніцтва, гісторыі і археалогіі. Некаторыя з іх знаходзяцца ў неўгледжаным, незадавальняючым тэхнічным і санітарным стане, патрабуюць правядзення рамонтных работ або мер па іх кансервацыі, з прычыны аварыйнасці асобных канструкцый знаходжанне каля такіх аб'ектаў не заўсёды бяспечна (г.Полацк, Аршанскі, Шаркаўшчынскі і іншыя раёны). Прычым, выкананне элементарных патрабаванняў па навядзенні парадку (уборка, скашванне расліннасці і г.д.) на тэрыторыі гісторыка-культурных каштоўнасцей, што неабходна ў шэрагу выпадкаў, не патрабуе значных матэрыяльных затрат, пра што, як правіла, указваюць іх уладальнікі.

Далёка не ўсімі ўласнікамі і ўладальнікамі гісторыка-культурных каштоўнасцей падпісаны адпаведныя ахоўныя абавязацельствы (г.Віцебск, Браслаўскі, Глыбоцкі, Аршанскі раёны).

Маюць месца факты невыканання патрабаванняў дзеючага заканадаўства і ахоўных абавязацельстваў, у тым ліку аб афармленні пашпартоў і усталяванні ахоўных дошак на аб'екты гісторыка-культурнай спадчыны (Шумілінскі, Талачынскі, Аршанскі, Полацкі і іншыя раёны). На большасць аб'ектаў гісторыка-культурнай спадчыны не распрацавана праектная дакументацыя зон аховы з рэжымамі іх утрымання і выкарыстання, што не дазваляе ў выпадку неабходнасці ўсталяваць абмежаванні пры вытворчасці будаўнічых і іншых работ (Віцебскі, Дубровенскі, Расонскі, Талачынскі і іншыя рэгіёны).

Складзеная сітуацыя ў сферы аховы гісторыка-культурнай спадчыны з'яўляецца следствам не толькі аб'ектыўных прычын, у тым ліку недастатковага фінансавання, але і вынікам адсутнасці належнага кантролю і патрабавальнасці з боку выканкамаў у дачыненні да ўласнікаў і ўладальнікаў гісторыка-культурных каштоўнасцей з мэтай прыняцця імі мер па забеспячэнні захаванасці гісторыка-культурных каштоўнасцей.

Пры распаўсюджанасці парушэнняў упаўнаважанымі службовымі асобамі практычна не выкарыстоўваюцца паўнамоцтвы па вядзенні адміністрацыйнага працэсу па фактах невыканання патрабаванняў ахоўных абавязацельстваў і іншых недахопаў у сферы аховы гісторыка-культурнай спадчыны.

У мэтах ухілення выяўленых парушэнняў пракурорамі ўнесена 19 актаў пракурорскага нагляду, пракуратурай вобласці падрыхтавана адпаведнае прадстаўленне ў Віцебскі аблвыканкам.

Старэйшы памочнік пракурора вобласці
па наглядзе за выкананнем
прыродаахоўнага заканадаўства
саветнік юстыцыі Алена Казлова