Кіраўніцтва Віцебскай вобласці віншуе жыхароў рэгіёна з Днём Кастрычніцкай рэвалюцыі

Паважаныя жыхары Віцебскай вобласці!

 

Віншуем вас з Днём Кастрычніцкай рэвалюцыі!

Вялікі Кастрычнік стаў адпраўным пунктам для маштабных пераўтварэнняў у сусветным парадку. Гэта знакавая падзея натхніла працоўны народ на небывалы энтузіязм і самаадданую працу, што, у сваю чаргу, стала магутным імпульсам для эканамічнага і сацыяльнага развіцця маладой савецкай дзяржавы.

Беларусь, як суверэнная краіна, шануе гісторыю і працягвае лепшыя традыцыі мінулага, прытрымліваючыся сацыяльна арыентаванай унутранай палітыкі. Эканоміка краіны дынамічна развіваецца і перабудоўваецца, умацоўваецца абараназдольнасць і нацыянальная бяспека.

У Віцебскай вобласці вядзецца мэтанакіраваная праца па ўмацаванні эканомікі, развіцці сацыяльнай інфраструктуры і стварэнні спрыяльных умоў для жыцця людзей. Мы імкнемся да таго, каб кожны жыхар вобласці меў магчымасць рэалізаваць свой патэнцыял і ўнесці ўклад у росквіт роднага краю.

Няхай у гэты знамянальны дзень у сэрцах кожнага з нас мацнее пачуццё гордасці за сваю гісторыю, за сваю краіну! Няхай беражлівае стаўленне да памяці продкаў, павага да іх воінскіх і працоўных подзвігаў стануць непахіснай асновай для нашай агульнай будучыні.

Жадаем усім здароўя, дабрабыту, міру і згоды ў кожным доме, аптымізму і ўпэўненасці ў заўтрашнім дні!

З павагай, Аляксандр Субоцін, старшыня Віцебскага абласнога выканаўчага камітэта, і Дзмітрый Дзямідзіў, старшыня Віцебскага абласнога Савета дэпутатаў.