Кіраўніцтва Віцебскай вобласці віншуе з Днём Перамогі!

Ад усёй душы віншуем Вас з вялікім і святым для ўсіх святам – Днём Перамогі!

Памяць аб гераічным мінулым нашага народа жыве ў сэрцах мільёнаў людзей. Гэта яркі прыклад згуртаванасці і патрыятызму, адзінства і непахіснага духу, якія дапамаглі выстаяць у самыя цяжкія гады вайны.

Прыдзвінскі край адправіў на фронт тысячы сваіх сыноў і дачок. Тут вораг сустрэў беспрэцэдэнтнае партызанскае супраціўленне. На алтар Перамогі было пакладзена жыццё кожнага трэцяга жыхара вобласці. Больш за сто дваццаць землякоў удастоены звання Героя Савецкага Саюза, іх імёны ўвекавечаны ў назвах вуліц і школ.

Нізкі паклон і безмерная падзяка ўсім, хто пераможны Май набліжаў сваім гераізмам, хто цаной свайго жыцця адстаяў незалежнасць і свабоду.

Наш абавязак – захаваць праўду аб Вялікай Айчыннай вайне, аб легендарным подзвігу савецкага народа, умацаваць абараназдольнасць краіны і суверэнітэт дзяржавы. І самае галоўнае – захаваць і перадаць дзецям і ўнукам мірную і квітнеючую Беларусь!

Жадаем усім моцнага здароўя, міру, шчасця і дабрабыту!

З Днём Перамогі!

А.М.Рагожнік, старшыня Віцебскага абласнога выканаўчага камітэта

Д.В.Дзямідаў, старшыня Віцебскага абласнога Савета дэпутатаў