Кіраўніцтва Віцебскай вобласці віншуе жыхароў і гасцей з 1052-годдзем Віцебска і 82-й гадавінай вызвалення ад нямецка-фашысцкіх захопнікаў

Віцебск – жывы летапіс, сатканы з гераічных подзвігаў і працоўных дасягненняў. Яго слаўная гісторыя сыходзіць каранямі ў глыбіню стагоддзяў, захоўваючы памяць аб вялікіх князях, мужных абаронцах і таленавітых стваральніках.

Горад на Заходняй Дзвіне заўсёды быў скрыжаваннем культур і цывілізацый, месцам, дзе нараджаюцца новыя ідэі і ўвасабляюцца смелыя мары.

Сёння Віцебск па праву носіць званне культурнай сталіцы Беларусі, сэрца міжнароднага фестывалю мастацтваў "Славянскі базар у Віцебску" – унікальнага фестывалю, які ў 35-ы раз збярэ таленты, аб'ядноўваючы народы і кантыненты творчасцю і мастацтвам.

Але галоўнае багацце Віцебска – гэта яго людзі. Працавітыя, таленавітыя, ініцыятыўныя, якія кожны дзень ствараюць гісторыю горада, прымнажаюць яго славу, будуюць яго будучыню. Дзякуючы вам Віцебск дынамічна развіваецца, нарошчваючы свой сацыяльна-эканамічны патэнцыял.

Жадаем жыхарам і гасцям Віцебска моцнага здароўя, шчасця, міру, дабрабыту і поспехаў ва ўсіх пачынаннях на карысць роднага горада!