Кіраўніцтва Віцебскай вобласці віншуе жыхароў з 88-годдзем з дня ўтварэння рэгіёна

Віцебская вобласць – зямля з найбагацейшай гісторыяй, дзе пераплятаюцца лёсы пакаленняў, дзе кожны куток захоўвае свае таямніцы і легенды. Мы ганарымся тым, што наша вобласць з'яўляецца калыскай беларускай дзяржаўнасці, а імёны многіх нашых землякоў упісаны ў летапіс краіны і свету.

Віцебшчына – асаблівы край з непаўторнай прыродай, багатай культурнай спадчынай, духам працавітасці, адкрытасці і гасціннасці.  

За 88 гадоў паўночны рэгіён прайшоў доўгі і слаўны шлях. Сёння, гледзячы на нашы гарады і вёскі, на дасягненні ў прамысловасці, сельскай гаспадарцы, навуцы і культуры, мы можам з упэўненасцю сказаць: наша Віцебшчына – гэта моцны і перспектыўны рэгіён.

Жадаем жыхарам і гасцям Віцебскай вобласці моцнага здароўя, шчасця, дабрабыту і мірнага неба над галавой!