Зрабіць працу над памылкамі. У Воршы на міждзяржаўным семінары пракуроры і следчыя абмеркавалі пытанні следчай і судовай практыкі

Па ініцыятыве пракуратуры Віцебскай вобласці пачаты цыкл міжведамасных навучальных семінараў для следчых і пракурораў рэгіёну па пытаннях следчай і судовай практыкі.

Адпраўным пунктам стаў Аршанскі раён.

На базе Аршанскага РАУС праведзены навучальны форум для супрацоўнікаў падраздзяленняў Следчага камітэта і пракуратур Аршанскага, Талачынскага, Дубровенскага, Сенненскага, Чашніцкага раёнаў.

У ходзе навучальнага мерапрыемства пракуроры і следчыя абмеркавалі спецыфіку расследавання і разгляду крымінальных спраў аб злачынствах, якія здзяйсняюцца з выкарыстаннем камп'ютарных тэхналогій.

Дэталёва разгледзелі тыповыя памылкі пры расследаванні і разглядзе крымінальных спраў аб злачынствах супраць бяспекі руху і эксплуатацыі транспартных сродкаў, праблемы кваліфікацыі асобных відаў злачынстваў.

Абмеркавалі прычыны вяртання крымінальнай справы для правядзення дадатковага следства і пракурору для ўстаранення перашкод да яго разгляду судом, прад'яўлення ў судзе новага абвінавачвання.

Пасля абмеркавання ўдзельнікі семінара абмяняліся вопытам работы, прапанавалі найбольш аптымальныя шляхі вырашэння праблем, якія ўзнікаюць у правапрымяняльнай практыцы.

Намеснік начальніка аддзела
пракуратуры вобласці
Віталь Сузанскі