Семінар па ажыццяўленні ведамаснага кантролю і пракурорскага нагляду за разглядам заяў і паведамленняў аб злачынствах прайшоў у вобласці

Мерапрыемства праходзіла на базе Полацкага дзяржаўнага ўніверсітэта ў «Рэгіянальным вучэбна-навуковым практычным юрыдычным цэнтры». У семінары прынялі ўдзел не толькі супрацоўнікі пракуратуры Віцебскай вобласці, УУС Віцебскага аблвыканкама, але і прадстаўнікі дэканата юрыдычнага факультэта, старшы выкладчык кафедры крымінальнага права і крыміналістыкі ПДУ Катушонак В.В., студэнты юрыдычнага факультэта.

 У ходзе семінара асветлены розныя праблемныя пытанні пры ажыццяўленні нагляду за дазнаннем, прафілактыцы, вядзенні ўліку, рэгістрацыі заяў і паведамленняў аб злачынствах, разглядзе зваротаў грамадзян у межах Крымінальна-працэсуальнага кодэкса і Закона Рэспублікі Беларусь ад 18.07.2011 г. № 300-З «Аб зваротах грамадзян і юрыдычных асоб», методыцы правядзення агляду месца здарэння пры ДТЗ, найбольш часта дапускаемых памылках пры фіксацыі слядоў, зменах, унесеных у крымінальна-працэсуальнае заканадаўства.

Акрамя таго, закранута актуальная тэма папярэджання ўнутрысямейнага гвалту і меры, якія прымаюцца органамі ўнутраных спраў.

Варта адзначыць, што семінар прайшоў ажыўлена з абмеркаваннем многіх пытанняў.

Пракуратурай вобласці практыка правядзення падобнага роду навучальных мерапрыемстваў у цесным узаемадзеянні з юрыдычным факультэтам ВА ПДУ будзе працягнута.

Начальнік аддзела па наглядзе за дазнаннем і аператыўна-вышуковай дзейнасцю Георгій Грынкевіч.