Семінар з удзелам сакратара ЦВК Беларусі Алены Дмухайла: акцэнт на ключавых момантах выбарчага заканадаўства
Як адзначыла Алена Дзямхайло, гэта традыцыйнае навучанне, якое праводзіцца пасля фарміравання акруговых камісій (завершана 2 верасня). І хоць у складзе акружкамів, як правіла, людзі дасведчаныя, якія працуюць не першую выбарчую кампанію, аб некаторых арганізацыйных момантах ім трэба нагадаць, звярнуць увагу на сітуацыі, якія давядзецца вырашаць, зрабіць акцэнт на ключавых момантах заканадаўства.
Першы этап выбарчай кампаніі, на думку Алены Мікалаеўны, у цэлым па краіне прайшоў спакойна, у перыяд фарміравання камісій былі адзінкавыя скаргі, якія істотна не паўплывалі на яго вынік. Віцебская вобласць, нароўні з Брэсцкай, зарэгістравала найбольшую колькасць, па восем, членаў акруговых выбаркамаў ад апазіцыйных партый (на Магілёўшчыне — ніводнага). Сакратар ЦВК нароўні з альтэрнатыўнасцю адзначыла адкрытасць нашага рэгіёна, паколькі толькі на сайце Віцебскага аблвыканкама быў размешчаны спіс усіх вылучаных у склад акруговых камісій. Алена Дмухайла завастрыла ўвагу прысутных на парадку дзяжурстваў членаў камісій у месцах іх размяшчэння, арганізацыі прыёму дакументаў ад вылучэнцаў у апошнія дні гэтага этапу кампаніі, якія з'яўляюцца выхаднымі, адсутнасці неабходнасці ў выбаркамаў па законе прымаць і рэагаваць на электронныя звароты ў свой адрас і многіх іншых нюансах. Алена Мікалаеўна праінфармавала, што, па папярэдніх звестках, на сёлетніх выбарах у параўнанні з 2016 годам чакаецца больш шматлікі склад міжнародных назіральнікаў ад абедзвюх місій — СНД і БДПУ АБСЕ. Яна падкрэсліла, што законам не замацавана права ажыццяўлення назіральнікамі ў дзень галасавання на ўчастках відэа- і фотаздымкі, аднак рэкамендавана дазваляць рабіць невялікую колькасць кадраў з месцаў, вызначаных старшынямі камісій. І наконт СМІ. На выбарах дазволена прысутнічаць прадстаўнікам як традыцыйных, так і сеткавых выданняў, якія маюць афіцыйную рэгістрацыю. Блогеры ў іх лік не ўваходзяць.
Старшыня абласнога Савета дэпутатаў Уладзімір Цярэнцьеў падкрэсліў, што гэтак жа арганізавана, у адпаведнасці з Выбарчым кодэксам, павінны прайсці ў вобласці сумесныя пасяджэнні прэзідыумаў рай-, гарсаветаў і выканкамаў па фарміраванні ўчастковых камісій. Іх будзе ўтворана 780 замест 819 у папярэднюю кампанію. Гэта выклікана памяншэннем колькасці выбаршчыкаў, скарачэннем малалікіх участкаў у сельскай мясцовасці. Ужо ідзе вылучэнне прэтэндэнтаў у кандыдаты. На дзень семінара акруговымі камісіямі было прынята 35 зваротаў ініцыятыўных груп выбаршчыкаў для рэгістрацыі па вылучэнні кандыдатаў.
Удзельнікі семінара атрымалі адказы на свае пытанні.