Стан пажарнай бяспекі ў Віцебскай вобласці

Выкананне патрабаванняў пажарнай бяспекі з'яўляецца адной з прыярытэтных задач у дзейнасці дзяржаўных органаў, накіраванай на ўмацаванне грамадскай бяспекі, прадухіленне гібелі людзей, шкоды эканоміцы і экалогіі краіны.

Каб гаварыць, больш прадметна, па вышэйуказанай тэме, я агучу статыстычныя дадзеныя за 11 месяцаў 2015 года:

Так, у вобласці зарэгістравана 773 пажары, што на 217 выпадкаў або 22% менш, чым за аналагічны перыяд мінулага года [990]. Ад пажараў загінула 82 чалавекі, што на 23 чалавекі (22%) менш, чым за аналагічны перыяд мінулага года [105], у тым ліку ад пажараў загінула 3 дзяцей (11 мес. 2014 – аналагічная колькасць [3]). На аб'ектах прадпрыемстваў і арганізацый вобласці зарэгістравана 42 пажары, за аналагічны перыяд 2014 – 77. Пажарамі знішчана 282 будынкі (11 мес. 2014  – 302), 37 адзінак тэхнікі (61), 646 тон кармоў (100), 8 галоў жывёлы (54). Падраздзяленнямі МНС вобласці на пажарах выратавана 126 чалавек. Прамы ўрон ад пажараў склаў 30 966 020 000 руб., а агульныя страты ад пажараў склалі 70 438 050 000 руб.

У цэлым, як вынікае з прыведзеных дадзеных, у вобласці намяцілася станоўчая тэндэнцыя па зніжэнні

агульнай колькасці пажараў і наступстваў ад іх.

З мэтай захавання станоўчай тэндэнцыі на зніжэнне пажараў, напярэдадні надыходзячага Новага года не будзе лішнім звярнуць асаблівую ўвагу на выкананне правілаў пажарнай бяспекі падчас святаў. Як паказвае досвед папярэдніх гадоў, прычынай навагодніх пажараў нярэдка становіцца выкарыстанне піратэхнічных вырабаў або неасцярожнае абыходжанне з імі. На жаль, ахвярамі неасцярожнасці і легкадумнасці становяцца не толькі дарослыя, але і дзеці.

Для таго каб пазбегнуць сумных наступстваў, неабходна выконваць шэраг пэўных патрабаванняў і правілаў захоўвання, рэалізацыі і выкарыстання піратэхнічных вырабаў.

Усе піратэхнічныя вырабы па прызначэнні і ўмовах прымянення падзяляюць на 2 групы:

–  бытавога прызначэння;

–  тэхнічнага і спецыяльнага прызначэння.

Кожны від піратэхнічных вырабаў у залежнасці ад радыусу зоны ўздзеяння небяспечных фактараў пры іх выкарыстанні аднесены да пэўнага класа патэнцыйнай небяспекі (5 класаў). 

У раздробным гандлі маюцца піратэхнічныя вырабы 1-2 класа небяспекі, абыходжанне з якімі не патрабуе спецыяльных ведаў і навыкаў. Да іх адносяцца бенгальскія агні, хлапушкі, тартоўныя свечкі, а таксама феерверкі і фантаны з радыусам разлёту да 0,5 м. Рэалізацыя піратэхнічных вырабаў 3 класа небяспекі дапускаецца ў спецыялізаваных крамах і аддзелах па продажы дадзеных вырабаў. Да піратэхнічных вырабаў бытавога прызначэння не адносяцца вырабы непасрэдна ручнога запуску,спрацоўваючыя на паверхні зямлі з эфектам выбуху, які суправаджаецца разбурэннем корпуса, кароткачасовым светлавым і шумовым эфектам (петарды і аналагічныя ім вырабы).

Гандаль піратэхнічнымі вырабамі тэхнічнага і спецыяльнага прызначэння павінна ажыццяўляцца толькі ў спецыялізаваных крамах з выкананнем адпаведных патрабаванняў правілаў пажарнай бяспекі. Продаж такіх вырабаў дапускаецца асобам, якія маюць дазвол на права іх выкарыстання. Зварот з імі патрабуе спецыяльных ведаў і навыкаў, адпаведнай атэстацыі выканаўцаў і забеспячэння пэўных умоў тэхнічнага аснашчэння. Да такіх вырабаў адносяцца рымскія свечкі, ракеты, батарэі салютаў і шэраг іншых пажаранебяспечных відаў піратэхнікі з радыусам небяспечнай зоны больш за 20 метраў.

Да піратэхнічнага вырабу ў абавязковым парадку павінна прыкладацца інструкцыя па ўжыванні, якая змяшчае інфармацыю аб тэрміне прыдатнасці, небяспецы і абмежаваннях па вобласці прымянення. На імпартныя піратэхнічныя вырабы павінны быць інструкцыя па ўжыванні і сертыфікат адпаведнасці краіны, у якой гэтыя вырабы выраблены, а таксама пераклад дадзеных дакументаў на рускую або беларускую мову. Пры размяшчэнні піратэхнічных вырабаў у гандлёвай зале павінна выкарыстоўвацца выкладка, пры якой пакупнік не мае прамога доступу да гэтых вырабаў. Захоўванне іх у месцах продажу павінна ажыццяўляцца ў шафах і сейфах, выкананых з негаручых матэрыялаў, а колькасць піратэхнічных вырабаў у месцы рэалізацыі не павінна перавышаць 50 кг.

Продаж любых піратэхнічных вырабаў забараняецца непаўналетнім ва ўзросце да 15 гадоў. У месцах рэалізацыі ўказаных тавараў размяшчаецца інфармацыя аб забароне іх продажу непаўналетнім. Пры ўзнікненні спрэчкі пакупнік абавязаны прад'явіць дакумент, які пацвярджае яго ўзрост.

Уу адпаведнасці са арт. 23.48 КоАП Рэспублікі Беларусь парушэнне правілаў захоўвання і выкарыстання піратэхнічных вырабаў цягне папярэджанне або накладанне штрафу ў памеры да 10 базавых велічынь. Паўторнае здзяйсненне дзеяння за такое ж парушэнне цягне накладанне штрафу ў памеры ад дзесяці да дваццаці базавых велічынь з канфіскацыяй прадмета адміністрацыйнага правапарушэння або без канфіскацыі альбо пазбаўленне спецыяльнага права з канфіскацыяй прадмета адміністрацыйнага правапарушэння або без канфіскацыі.

За парушэнне заканадаўства аб пажарнай бяспецы пры захоўванні і рэалізацыі піратэхнічных вырабаў у адпаведнасці з арт. 23.56 КоАП Рэспублікі Беларусь для фізічных асоб прадугледжаны штраф у памеры да 30 базавых велічынь, а для юрыдычных асоб – да 200 базавых велічынь.

Калі ж будзе парушаны спакой грамадзян пры выкарыстанні піратэхнікі, супрацоўнікі органаў унутраных спраў маюць права накласці на вінаватага штраф у памеры ад двух да 30 базавых велічынь або адміністрацыйны арышт (арт. 17.1 КоАП). Бацькам неабходна памятаць, што да адміністрацыйнай адказнасці за дробнае хуліганства могуць быць прыцягнуты дзеці, якія дасягнулі 14 гадоў. Калі ж дзіця не дасягнула гэтага ўзросту, то яго бацькі могуць быць прыцягнуты да адміністрацыйнай адказнасці (арт. 9.4 КоАП - Невыкананне абавязкаў па выхаванні дзяцей).

Набываць піратэхніку варта толькі ў спецыялізаваных крамах або аддзелах і строга прытрымлівацца інструкцыі па яе ўжыванні. Пры гэтым неабходна звяртаць увагу на тэрмін прыдатнасці і цэласнасць упакоўкі.

Захоўваць піратэхніку трэба як мага далей ад крыніц агню. Ні ў якім выпадку нельга трымаць яе на кухні і каля батарэй ацяплення, так як, паступова награваючыся, вырабы могуць спрацаваць самаадвольна. Не варта выкарыстоўваць для захоўвання вільготныя памяшканні. Калі прылада, начыненая порахам, спачатку адсырэе, апотым падсохне, то ў лепшым выпадку феерверк не спрацуе, а ў горшым выстраліць з затрымкай у самы непрыдатны момант.  Акрамя таго, пажадана, каб месцы захоўвання піратэхнікі былі недаступнымі для дзяцей.

Катэгарычна забараняецца запускаць піратэхніку з вокнаў або балконаў. пляцоўку для запуску піратэхнікі варта выбіраць такім чынам, каб яна знаходзілася на адлегласці не менш за 50 м. ад жылых дамоў і аўтамабіляў, над ёй не было дрэў, ліній электраперадач і інш. перашкод. Сачыце за тым, каб іншыя людзі знаходзіліся на адлегласці не менш за 15-20 метрас з падветранага боку.

Пры захаванні ўсіх правілаў піратэхнічнае выраб пакіне яркі ўспамін, а не для нерваў выпрабаванне…