Супрацоўнікамі Віцебскай транспартнай пракуратуры надаецца асаблівая ўвага прафілактыцы правапарушэнняў у перыяд электаральнай кампаніі.

Толькі з лістапада 2024 года праведзена 14 выступленняў у падпарадкаваных прадпрыемствах на тэму маючых адбыцца выбараў Прэзідэнта Рэспублікі Беларусь, адказнасці за парушэнне заканадаўства аб выбарах, а таксама за парушэнне парадку правядзення масавых мерапрыемстваў і экстрэмісцкіх праяў.

Так, да прыкладу, Віцебскі транспартны пракурор Канстанцін Шыенок 21.01.2025 сустрэўся з калектывам Віцебскага пасажырскага ўчастка УП «Віцебскае аддзяленне Беларускай чыгункі».

У ходзе выступлення пракурор адзначыў: «Патрыятызм – не проста пачуццё любові да Радзімы, а дзейная актыўнасць чалавека, накіраваная на паляпшэнне жыцця ў сваёй краіне. Галасаванне – акт праявы сапраўднага патрыятызму.

Кожны чалавек сам піша сваю гісторыю. Вы галасуеце не толькі за канкрэтнага чалавека, але і за сваю будучыню».

Таксама Канстанцін Шыенок акцэнтаваў увагу прысутных на ўзважаны падыход да ўспрымання інфармацыі і заклікаў, атрыманых з сеткі Інтэрнэт і іншых крыніц.

Неабходна памятаць, што за парушэнне ўстаноўленага парадку арганізацыі або правядзення сходу, мітынгу, вулічнага шэсця, дэманстрацыі, пікетавання, іншага масавага мерапрыемства, у тым ліку публічныя заклікі да арганізацыі або правядзення сходу, мітынгу, вулічнага шэсця, дэманстрацыі, пікетавання, іншага масавага мерапрыемства з парушэннем устаноўленага парадку іх арганізацыі або правядзення прадугледжана як адміністрацыйная, так і крымінальная адказнасць.

За здзяйсненне проціпраўных дзеянняў,
вызначаных заканадаўствам як экстрэмісцкія, у залежнасці ад іх характару і ступені грамадскай небяспекі, можа таксама наступіць крымінальная адказнасць.

«Кожны з нас - часцінка суверэннай і незалежнай дзяржавы. Робячы свой выбар, вы вырашаеце, з кім Беларусь пойдзе далей па шляху развіцця і стварэння, захаваўшы мір на роднай зямлі і не даўшы ўцягнуць сябе ў ваеннае процістаянне» - падкрэсліў Віцебскі транспартны пракурор.