Абласная літаратурная прэмія імя Пятруся Броўкі чакае намінантаў
07. 10. 2015
Па выніках 2015 года ў чарговы раз літаратарам Віцебшчыны будзе ўручана літаратурная прэмія Віцебскага абласнога выканаўчага каміэта імя Пятруся Броўкі. Згодна з дзеючай інструкцыяй, яна ўручаецца штогадова па наступных намінацыях: проза, паэзія і літаратура для дзяцей.
На дадзены момант працягваецца вылучэнне намінантаў на прэмію. Зрабіць гэта могуць самі літаратары Віцебшчыны, а таксама працоўныя калектывы і грамадскія арганізацыі да 1 снежня 2015 г.
Усе дакументы, пазначаныя ў інструкцыі, трэба накіроўваць у камісію па прысуджэнні прэміі на адрас галоўнага ўпраўлення ідэалагічнай работы, культуры і па справах моладзі Віцебскага аблвыканкама.
Версия для печати