Аршанская спартсменка Таццяна Шаракова абнавіла рэкорд Беларусі

У індывідуальнай гонцы праследавання на першым этапе Кубка свету па веласпорце на трэку ў калумбійскім Калі яна пераадолела 3 км за 3хвіліны 33,98 секунды, амаль на 1,5 секунды палепшыўшы сваё ж дасягненне. Гэты час дазволіў ёй стаць першай.

Таксама наша зямлячка выдатна выступіла ў гонцы з выбываннем, прапусціўшы наперад толькі лідара сусветнага рэйтынгу брытанку Лауру Трот. Такім чынам, Таццяна сур’ёзна ўзмацніла свае пазіцыі ў барацьбе за алімпійскую ліцэнзію. Другі этап Кубка свету пройдзе 4-6 снежня ў Новай Зеландыі.

Алесь Бынькоў, «Витебские вести».