Стадыён у Віцебску прададзены на аўкцыёне за 343 тысячы рублёў

Стадыён, размешчаны ў Стаханаўскім завулку горада Віцебска, разам з будынкам ціра стаў самым дарагім аб'ектам, прададзеным камітэтам дзяржмаёмасці Віцебскага аблвыканкама ў верасні месяцы.

Стадыён, плошчай больш за 10 тысяч кв.м., быў пабудаваны яшчэ ў 1973 годзе і выкарыстоўваўся для заняткаў аматарскім футболам.

Да 2017 года ён належаў прадпрыемству «Віцебскдрэў», пазней выкарыстоўваўся дзіцяча-юнацкай спартыўнай школай алімпійскага рэзерву «Камсамолец».

25 верасня стадыён быў выстаўлены камітэтам на электронныя таргі ўпершыню, і на яго адразу знайшоўся пакупнік.

Новым уласнікам стаў футбольны клуб з Віцебска.

У будучыні тут, пасля правядзення рэканструкцыі, будзе створаны фізкультурна-спартыўны комплекс для заняткаў прафесійным футболам.

Усяго з пачатку года камітэтам праведзены 101 выніковы аўкцыён. Дзяржаўны бюджэт папоўніўся на суму 3,304 мільёна рублёў.

На кастрычнік месяц камітэтам ужо прызначана 80 аўкцыёнаў па продажы невыкарыстоўваемых аб'ектаў дзяржмаёмасці, большасць з якіх прапануюцца з устанаўленнем пачатковай цаны, роўнай адной базавай велічыні.