«Тэрыторыя смаку». Віцебск умацоўвае супрацоўніцтва з Пскоўскай вобласцю
Гастранамічны кірмаш «Тэрыторыя смаку», які разгарнуўся ў канцэртнай зале «Віцебск», стаў пляцоўкай для візіту высокапастаўленых гасцей. Мэта мерапрыемства – дэманстрацыя патэнцыялу і развіццё супрацоўніцтва ў харчовай сферы.
У ліку ганаровых наведвальнікаў і ўдзельнікаў дэлегацыі былі губернатар Пскоўскай вобласці Міхаіл Ведэрнікаў, намеснік Прэм'ер-міністра Рэспублікі Беларусь Наталля Петкевіч, а таксама прадстаўнікі кіраўніцтва Віцебскай і Пскоўскай абласцей.
На пляцоўцы шырока прадстаўлена як прадукцыя Пскоўскай вобласці, так і вядучыя айчынныя прадпрыемствы. Свой патэнцыял дэманстравалі УП «Віцебскаблгаз», ААТ «Віцебскхлебпрам» і кандытарская фабрыка «Віцьба».
На стэндзе прадпрыемства «Віцебскаблгаз» прадстаўлена два напрамкі: торфаперапрацоўка і сельская гаспадарка.
Аб перспектывах супрацоўніцтва распавёў намеснік генеральнага дырэктара па прамысловай і сельскагаспадарчай вытворчасці прадпрыемства Андрэй Гаганоў:
– Галоўная задача правядзення такіх пляцовак – пошук новых партнёраў. Аналагічнае мерапрыемства ва Узбекістане дазволіла адкрыць новыя напрамкі для супрацоўніцтва. На гэтым кірмашы мы ўжо абмяняліся кантактамі з новымі людзьмі. Аб паўнавартасных партнёрскіх адносінах казаць пакуль рана, але мы настроены актыўна іх развіваць.