Разам супраць карупцыі!

У яе рамках з мэтай стварэння атмасферы нецярпімасці ў дачыненні да карупцыі і павышэння прававой пісьменнасці насельніцтва вобласці актывізавана работа па тлумачэнні патрабаванняў Закона Рэспублікі Беларусь «Аб барацьбе з карупцыяй», які ўступіў у сілу ў студзені 2016 г.,

Аддзелам пракуратуры Віцебскай вобласці па барацьбе з карупцыяй і арганізаванай злачыннасцю, тэрытарыяльнымі пракурорамі ажыццёўлена больш за 150 выступленняў у калектывах, на пасяджэннях камісій па процідзеянні карупцыі мясцовых выканаўчых і распарадчых органаў, дзяржаўных арганізацый, а таксама ў ходзе семінараў, «круглых сталоў» і іншых адкрытых форумаў.

Да прыкладу, начальнік аддзела па барацьбе з карупцыяй і арганізаванай злачыннасцю Лапкоўскі Е.А. і пракурор аддзела Ларькова В.В. 20.04.2017 выступілі на семінары для кіраўнікоў і спецыялістаў РУП «Віцебскэнерга», растлумачылі спецыяльныя патрабаванні заканадаўства аб барацьбе з карупцыяй у частцы фінансавага кантролю ў дачыненні да дзяржаўных службовых асоб аб'яднання і падведамных прадпрыемстваў. Акрамя таго, імі былі асветлены пытанні, якія тычацца выканання патрабаванняў заканадаўства аб дзяржаўных закупках, разгледжаны прыклады канкрэтных парушэнняў, што выяўляюцца ў працэсе праверак, і наступствы іх здзяйснення.

У ходзе дыялогу, які працягваўся на працягу больш двух гадзін, пракуроры адказалі на шматлікія пытанні прысутных (у семінары прынялі ўдзел больш за 100 службовых асоб сістэмы «Віцебскэнерга»), падрабязна асвятліўшы аспекты прымянення на практыцы асобных палажэнняў антыкарупцыйнага заканадаўства.

Практыка правядзення падобнага роду сустрэч з прадстаўнікамі галін і сфер, найбольш схільных да карупцыйных рызык, будзе працягнута і ў далейшай рабоце пракурораў Віцебшчыны.

Аддзел па барацьбе з карупцыяй і арганізаванай

злачыннасцю.