Вакзалы, цягнікі, злачынствы

З году ў год асноўную масу злачынстваў, што здзяйсняюцца ў Аршанскім транспартным рэгіёне, складаюць крадзяжы асабістай маёмасці грамадзян. Тактыка і тэхніка крадзяжу з гадамі застаюцца ранейшымі. Хаця б таму, што пасажыры з паездкі ў паездку не змяняюць сваіх звычак. Тэлефоны кладуць на стол, сумкі пад падушку, дакументы, грошы, іншыя каштоўнасці захоўваюць не пры сабе, пакідаюць іх без нагляду, у кішэнях верхняга адзення, іншых лёгкадаступных месцах. Ды яшчэ і па шыраце душы не дазваляюць адмовіцца ад супольнага ўжывання алкаголю - за знаёмства. Тут і без міліцэйскай статыстыкі зразумела - нашы грамадзяне да гэтага часу падарожнічаюць «на авось». І пакуль адны спадзяюцца, што «пранясе», іншыя «зарабляюць». Стаць ахвярай злачынцаў на вакзале ці ў цягніку прасцей простага. Дастаткова на імгненне страціць пільнасць, пакінуць без нагляду рэчы ці задрэмаць у непадыходзячы момант. Зламыснікі свайго не ўпусцяць. Крадуць усё, што дрэнна ляжыць. Як правіла, у бесклапотных пасажыраў.

Не варта ўжываць алкаголь перад паездкай і ў час руху, разлічваючы на сумленне спадарожнікаў. Так, у пасажыра цягніка «Баранавічы-Віцебск» былі выкрадзены з сумачкі грошы, мабільны тэлефон і іншая маёмасць. Злачынца скарыстаўся часовай адсутнасцю пасажыра, які, выходзячы з купэ пакурыць, сумачку пакінуў на століку. Пры гэтым пацярпелы да гэтага з ім жа сумесна распіваў у купэ спіртныя напоі.

Не заўсёды перад набліжэннем да канчатковага пункта пасажыры правяраюць наяўнасць сваіх рэчаў, забываюць іх, пакідаюць на няпроцяглы час без нагляду. Пасажыр прыгараднага цягніка «Крычаў-Орша», выходзячы з вагона, забыў сумку з рэчамі. Гэтым скарысталася пасажырка, якая ехала ў гэтым жа вагоне, і названую сумку выкрала. У чэрвені мінулага года ў аднаго з пасажыраў цягніка рэгіянальных ліній «Чырвонае-Орша» была выкрадзена пакінутая ім без нагляду ў вагоне сумка з рэчамі.

Вакзал з'яўляецца месцам падвышанай крымінагеннай небяспекі, дзе шмат «лёгкіх кліентаў» - уважлівых людзей. Тут нельга пакідаць свае рэчы без нагляду або давяраць іх людзям, якія сядзяць у

залы чакання. Сярод іх зусім не абавязкова знаходзяцца злодзеі. Але сваімі неасцярожнымі паводзінамі вы самі можаце падштурхнуць да крадзяжу прагных і алчных людзей, якія не супраць пажывіцца за чужы кошт. У бягучым годзе ў грамадзяніна, які заснуў у зале чакання для транзітных пасажыраў чыгуначнага вакзала, з кішэні курткі выпаў мабільны тэлефон, чым скарыстаўся злачынца, які знаходзіўся на вакзале, і ўказаны тэлефон выкраў. Аналагічным чынам было выкрадзена партманэ з грашыма, якое выпала на сядзенне з кішэні курткі пасажыра, які спаў. У цягніку «Санкт-Пецярбург-Гомель» у пасажыра, які спаў, выкрадзены заплечнік з маёмасцю, якая знаходзілася ў ім. У бягучым годзе ў цягніку рэгіянальных ліній «Мінск-Орша» у пасажыра таксама выкрадзены заплечнік з рэчамі.

Насцярожана трэба ставіцца і да тых, хто звярнуўся да вас з просьбай скарыстацца вашым мабільным тэлефонам. У лістападзе мінулага года на чыгуначным вакзале адзін са злачынцаў, скарыстаўшыся тым, што пацярпелы, які перадаў яму мабільны тэлефон для здзяйснення званка, адцягнуў сваю ўвагу і за яго дзеяннямі не назірае, таемна выкраў указаны тэлефон коштам.

Ва ўсіх вышэйназваных выпадках злачынцы за здзейсненыя таемныя крадзяжы маёмасці прыцягнуты да крымінальнай адказнасці. Аднак, на вялікі жаль, не па ўсіх крадзяжах асабістай маёмасці грамадзян на вакзалах і ў цягніках вінаватыя ўстаноўлены, шкода пацярпелым не заплачаны. Менавіта неасцярожныя паводзіны грамадзян з'яўляецца падставай для крадзяжу. Будзьце пільныя, і вашы рэчы заўсёды застануцца пры вас. І ў цэлым тактыка захавання маёмасці ў цягніках і на вакзалах зводзіцца да старой прыказкі: далей пакладзеш – бліжэй возьмеш. Памятайце, што забеспячэнне захаванасці асабістай маёмасці з'яўляецца абавязкам саміх пасажыраў.

Намеснік Віцебскага транспартнага пракурора     
старшы дарадца юстыцыі П.В. Дзедзюра