Пытанні развіцця сельскай гаспадаркі ў Талачынскім раёне, а таксама ўдасканаленне канцэпцыі падрыхтоўкі будучых кіраўнікоў сталі дамінантамі пазачарговага пасяджэння аблвыканкама

Пытанні развіцця сельскай гаспадаркі ў Талачынскім раёне, а таксама ўдасканаленне канцэпцыі падрыхтоўкі будучых кіраўнікоў сталі дамінантамі пазачарговага пасяджэння аблвыканкама.

Суровую танальнасць размовы вызначылі прамежкавыя вынікі маніторынгу сітуацыі ў АПК, праведзенага спецыяльна створанымі рабочымі групамі. Асноўны акцэнт правяраючыя зрабілі на праблемных пытаннях, агучаных на рэспубліканскім семінары-нарадзе аб развіцці сяла і павышэнні эфектыўнасці аграрнай галіны краіны. На кантролі — гатоўнасць тэхнікі, наяўнасць паліва, насення і ўгнаенняў. І, вядома ж, умовы працы і парадак на зямлі. Анансаванне ў СМІ правядзення міжведамасных рэйдаў не стала навіной для гаспадарак. Здавалася б: папярэджаны – узброены.

Без званка правяраючыя наведалі ААТ «Звянячы» Талачынскага раёна. Каб знайсці недахопы ў гаспадарцы, нават не спатрэбілася «рэнтгенаскапічнае даследаванне» — усё ляжала на паверхні: смецце і адходы на тэрыторыі мехмайстэрні, не ўпарадкаваная тэхніка... Убачанае пацягнула за сабой прымяненне адпаведных мер з указаннем ліквідаваць недапрацоўкі ў найкароткія тэрміны. На наступны дзень закіпела праца па выпраўленні дапушчаных памылак. Парадак навялі — зямля ўдыхнула па-новаму. Атрымліваецца, усё можна хутка арганізаваць і зрабіць, пры гэтым без якіх-небудзь сур'ёзных фінансавых укладанняў. На справе чакаюць, пакуль на прабелы не ўкажуць. А бо гэта павінна быць строгая і сістэматычная лінія працы ўсіх зацікаўленых службаў і ведамстваў, у тым ліку і ўчастковага інспектара. Каму як не яму ведаць становішча спраў на падведамнай тэрыторыі?

Вытокі такога становішча спраў, па перакананні старшыні аблвыканкама Мікалая Шарснёва, крыюцца перш за ўсё ў бясконцасці службовых асоб, а таксама ў безгаспадарнасці работнікаў арганізацый. Удзельнікі пазачарговага пасяджэння аблвыканкама сыходзяцца на думцы: усяму віной прэславуты чалавечы фактар. Не сакрэт: парушэнняў няма там, дзе ля стырна адказны кіраўнік, а сістэма кіравання строгая. Таму прынята рашэнне аб устанаўленні штодзённага персанальнага кантролю і адказнасці Сяргея

Егорава, старшыню Талачынскага райвыканкама, за працай у ААТ «Звянячы». Яму адрасавана важная кейс-задача: паказаць здольнасць якасна арганізаваць працу гаспадаркі, тым больш у час адказнай пары — пасяўной кампаніі, якая павінна быць праведзена ў аптымальныя агратэхнічныя тэрміны. Толькі так можна запраграмаваць добрую аснову пад будучы ўраджай. Бонус да гэтага — працаваць над пошукам механізмаў павышэння выніковасці вытворчасці, матывацыі супрацоўнікаў да якаснай працы, захавання працоўнай дысцыпліны. А як па-іншаму можна наводзіць парадак?.. У ліку праблем АПК вобласці, якія скаўваюць яго эфектыўнае развіццё, роўна як і ў іншых сферах — недахоп добрых кадраў. Каб такі механізм функцыянаваў без збояў, павінна быць забяспечана змена і пераемнасць спецыялістаў праз сістэму кадравага рэзерву. Адсюль даручэнне Мікалая Шарснёва галоўнаму ўпраўленню арганізацыйна-кадравай работы аблвыканкама: удасканаліць канцэпцыю падрыхтоўкі будучых менеджараў з тым, каб выпускаць кадры высокага калібра. — Сучасныя ўмовы дыктуюць важнасць стварэння цэласнай сістэмы ўзнаўлення і абнаўлення прафесійнай эліты. Сёння патрэбны добра падрыхтаваныя кіраўнікі — людзі, у якіх ёсць здольнасці і жаданне працаваць, якія валодаюць высокай адказнасцю і мэтаскіраванасцю. Неабходна адабраць дзясятак ці два лепшых спецыялістаў і рыхтаваць да адміністрацыйнай працы, — падкрэсліў старшыня аблвыканкама. Іх будучыня — годна прадстаўляць звяно мясцовай улады, арганізацый. Ад таго, наколькі кожны з іх кампетэнтны, напрамую будзе залежаць устойлівае і дынамічнае развіццё раёнаў. Вольга БУЛАВКА,
галоўны спецыяліст
галоўнага ўпраўлення ідэалагічнай работы,
культуры і па справах моладзі
Віцебскага аблвыканкама.