Пытаньні вакцынацыі супраць COVID-19 разгледжаны ў Віцебскім аблвыканкаме

У Віцебскай вобласці трэба ўзмацніць тлумачальную працу аб неабходнасці і эфектыўнасці вакцынацыі, а таксама важнасці адказнага стаўлення да здароўя, асабліва ў перыяд пандэміі. На гэтым завастрыў увагу кіраўнікоў раёнаў старшыня аблвыканкама Мікалай Шарснёў.

Аналіз паказвае, што ў плане вакцынацыі Віцебская вобласць пакуль пасіўна. Калі ўсяго ў рэспубліцы правакцынавана крыху больш за 20% насельніцтва, то ў Віцебскай вобласці гэты паказчык складае 18,1% (напрыклад, у Гомельскай вобласці — 25,9%). Вядома, у такіх пытаннях няправільна ўладкоўваць спаборніцтва, але трэба суадносіць з іншымі рэгіёнамі, як праводзіцца праца, упэўнены Мікалай Шарснёў.

Калі ўзяць сярэднюю колькасць штодзённа прышчэпленых асоб, то на Віцебшчыне гэта каля 3 тыс. чалавек, гэта вельмі мала і не здольна вырашаць праблему. Неабходна ахопліваць вакцынацыяй як мінімум удвая больш, — падкрэсліў старшыня аблвыканкама.

Калі паглядзець узровень вакцынацыі ў разрэзе асобных сацыяльных груп, то медыкі прышчэплены на 83,1%, работнікі ўстаноў сацыяльнага абслугоўвання — 85,5%, асобы, якія пражываюць ва ўстановах з кругласутачным знаходжаннем, — 98,1%. Астатнія катэгорыі насельніцтва ахоплены гэтым працэсам вельмі слаба.

Калі ўлічыць, што ў бягучым сезоне распаўсюджванне COVID-19 пачалося прыкладна на 1,5 месяца раней, чым летась, то можна прагназаваць адпаведна і рост колькасці хворых. Таму трэба вакцынавацца. У гэтым пераконвае і аналіз інфармацыі па хворых: сярод тых, хто паступае ў бальніцы, адзінкі правакцынаваных. Прычым у іх хвароба працякае ў лёгкай форме.

— Таму трэба не адкладаць на лепшыя часы і прымаць усе меры для таго, каб давесці неабходную інфармацыю да людзей, пераканаць фактамі ў неабходнасці вакцынавацца. Працу трэба правесці адказна і арганізавана, і тут важная роля кіраўнікоў працоўных калектываў, арганізацый, — сказаў кіраўнік вобласці.

"Віцебскія весці".