Увайшоў у сілу Закон Рэспублікі Беларусь «Аб амністыі ў сувязі з 75-годдзем Перамогі ў Вялікай Айчыннай вайне 1941–1945 гадоў»

З 22 мая 2020 г. уступіў у сілу Закон Рэспублікі Беларусь ад 18 мая 2020 г. № 17-З «Аб амністыі ў сувязі з 75-годдзем Перамогі ў Вялікай Айчыннай вайне 1941–1945 гадоў» (далей – Закон), які падлягае выкананню на працягу шасці месяцаў.

Дадзены Закон устанаўлівае крытэрыі вызначэння асоб, якія падлягаюць амністыі, і ўмовы яе прымянення.

Законам прадугледжана вызваленне пры пэўных умовах ад пакарання і іншых мер крымінальнай адказнасці, у прыватнасці, непаўналетніх, цяжарных жанчын, жанчын і адзінокіх мужчын, якія маюць дзяцей ва ўзросце да васемнаццаці гадоў, асоб, якія дасягнулі агульнаўстаноўленага пенсійнага ўзросту, інвалідаў I і II групы, асоб, хворых на актыўную форму туберкулёзу і аднесеных да пэўных груп дыспансернага ўліку, а таксама асоб, хворых на анкалагічныя захворванні асобных клінічных груп, ВІЧ-інфікаваных з некаторымі стадыямі захворвання, ветэранаў баявых дзеянняў на тэрыторыі іншых дзяржаў, грамадзян, якія пацярпелі ад катастрофы на Чарнобыльскай АЭС, іншых радыяцыйных аварыі.

У адносінах шэрагу асуджаных будзе разглядацца пытанне аб вызваленні ад пакарання часткова.

Пры гэтым амністыя не распаўсюджваецца на асоб, якія здзейснілі забойства, прыцягнутых да крымінальнай адказнасці за кіраванне транспартным сродкам у стане алкагольнага ап'янення, і іншыя злачынствы, пералік якіх выкладзены ў Законе.

Амністыя не прымяняецца да асоб, якія здзейснілі злачынствы і прызнаныя абавязанымі задавальненне расходаў, затрачаных дзяржавай на ўтрыманне дзяцей, якія знаходзяцца на дзяржаўным забеспячэнні, і не задаволілі гэтыя расходы.

Не падлягаюць амнісціраванню і асобы, да якіх на працягу 2015-2020 гадоў прымянялася амністыя і якія зноў здзейснілі наўмыснае злачынства ў перыяд незнятай або непагашанай судзімасці, якія цалкам не задаволілі прычыненую злачынствамі шкоду (урон), не выплацілі даход, атрыманы ад

прадпрымальніцкай дзейнасці, ажыццяўляемай без спецыяльнага дазволу (ліцэнзіі), неабгрунтавана набытую выгаду, іншы даход, атрыманы злачынным шляхам, злосна парушаюць устаноўлены парадак падчас адбыцця пакарання або іншых мер крымінальнай адказнасці, дапусцілі асабліва небяспечны рэцыдыў злачынстваў, асуджаныя да пакарання ў выглядзе пажыццёвага з`яўлення.

Выкананне Закона ўскладзена на органы і ўстановы, якія выконваюць пакаранні, органы унутраных спраў, крымінальнага пераследу, суды.

Рашэнне аб прымяненні або непрымяненні амністыі прымаецца ў дачыненні да кожнай асобы індывідуальна.

Згодна з палажэннямі Закона, мясцовыя выканаўчыя і распарадчыя органы забяспечваюць арганізацыю ўліку асоб, вызваленых ад пакарання па амністыі, і аказанне ім дапамогі ў працоўным і бытавым устройстве.  

Старшы пракурор аддзела
пракуратуры Віцебскай вобласці
па наглядзе за выкананнем
заканадаўства органамі
крымінальна-выканаўчай сістэмы
і прымусовага выканання
Сяргей Стурын