Забароненае зелле

Крымінальны кодэкс Рэспублікі Беларусь вызначае крымінальную адказнасць за незаконны абарот наркатычных сродкаў і, у залежнасці ад цяжкасці здзейсненага злачынства, прадугледжвае пакаранне да 15 гадоў пазбаўлення волі з канфіскацыяй маёмасці.

Пры гэтым асобы, якія добраахвотна здалі наркатычныя сродкі, псіхатропныя рэчывы або іх прэкурсоры, і актыўна спрыялі выяўленню або спыненню злачынства, звязанага з незаконным абаротам гэтых сродкаў, рэчываў, выкрыццю асоб, якія іх здзейснілі, выяўленню маёмасці, здабытай злачынным шляхам, вызваляюцца ад крымінальнай адказнасці за дадзенае злачынства.

Дзяржаўная палітыка ў сферы процідзеяння незаконнаму абароту наркотыкаў накіравана на поўнае выкараненне такога з'явы. Падмацаваннем з'яўляецца Закон Рэспублікі Беларусь № 408-з «Аб наркатычных сродках, псіхатропных рэчывах, іх прэкурсорах і аналагах».

Указаны Закон вызначае прававыя і арганізацыйныя асновы дзяржаўнай палітыкі ў сферы абароту і процідзеяння незаконнаму абароту наркатычных сродкаў, псіхатропных рэчываў, іх прэкурсораў і аналагаў, а таксама накіраваны на прафілактыку спажывання наркатычных сродкаў, псіхатропных рэчываў, іх аналагаў у мэтах забеспячэння нацыянальнай бяспекі, аховы жыцця і здароўя грамадзян. Акрамя таго, закон істотна пашырыў спіс забароненых сродкаў і прэпаратаў, якія не выкарыстоўваюцца ў медыцынскіх мэтах, але аднесены да наркатычных, а адпаведна іх незаконны абарот з'яўляецца таксама крымінальна каральным.

Злачынцамі па дадзенай катэгорыі крымінальных спраў становяцца асобы розных катэгорый.

Так, жыхар горада Мінска, 1996 года нараджэння, які працуе мастаком, набыў для ўласных патрэб марыхуану. Забароненыя рэчывы ён перавозіў у цягніку па дарозе на фестываль мастацтваў «Славянскі базар» у г. Віцебску, дзе ён збіраўся прымаць удзел у складзе сваёй музычнай групы. Жаданне адчуць кайф прымусіла Віталя ўжыць наркотык яшчэ дома перад паездкай. Падчас курэння тытунёвых вырабаў у незаконным для курэння месцы злачынец

быў затрыманы супрацоўнікамі міліцыі на чыгуначным вакзале станцыі Віцебск, пры ім быў і выяўлены набыты ім наркотык. Віцебскім гарадскім аддзелам СК Рэспублікі Беларусь дзеянні Віталя былі кваліфікаваны па ч. 1 арт. 328 КК Рэспублікі Беларусь як незаконныя без мэты збыту набыццё, захоўванне, перавозка наркатычных сродкаў. У судзе падстаў аспрэчваць вінаватасць у Віталя не было, і ён прызнаў сваю віну. Судом вынесены абвінаваўчы прысуд і Віталю прызначана пакаранне ў выглядзе 2 гадоў 6 месяцаў пазбаўлення волі. Улічваючы адсутнасць судзімасці ў Віталя, станоўчыя характарыстыкі, суд вырашыў не прыводзіць у выкананне прызначанае пакаранне, калі на працягу выпрабавальнага тэрміну працягласцю ў два гады ён не здзейсніць новае злачынства і будзе выконваць ускладзеныя на яго судом абавязкі, а менавіта ў вольны ад працы і (або) вучобы час выканае грамадска карысныя работы ў аб'ёме шасцідзесяці гадзін. Суд абавязаў Віталя заплаціць у даход дзяржавы крымінальна-прававую кампенсацыю ў памеры 30 базавых велічынь у памеры 630 рублёў на працягу шасці месяцаў пасля ўступлення прысуду у законную сілу.

Памочнік Віцебскага транспартнага пракурора
малодшы саветнік юстыцыі В.В. Шэвяртоўская