Абарона правоў працаўнікоў – агульная справа

Так пракурорамі Віцебшчыны наладжана цеснае ўзаемадзеянне з прафсаюзнымі арганізацыямі вобласці ў пытаннях абароны законных правоў працоўных.

Распрацаваны і рэалізуецца План узаемадзеяння Віцебскага абласнога, раённых, гарадскіх аб'яднанняў прафсаюзаў і органаў пракуратуры Віцебскай вобласці па рэалізацыі Пагаднення паміж Генеральнай пракуратурай Рэспублікі Беларусь і Федэрацыяй прафсаюзаў Беларусі ў сферы абароны канстытуцыйных правоў і гарантый працоўных.

У межах выканання мерапрыемстваў названага Плана пракурорскія работнікі рэгулярна ўдзельнічаюць у правядзенні Рэспубліканскага прафсаюзнага прававога прыёму грамадзян.

Чарговы сумесны прыём грамадзян прайшоў у вобласці 31 сакавіка бягучага года. У гэты дзень пракурорамі сумесна з работнікамі прафсаюзных арганізацый праведзены выязны прыём у 23 арганізацыях і на прадпрыемствах вобласці, прынята больш за 100 грамадзян.

Пытанні, якія хвалявалі тых, хто прыйшоў на прыём, былі разнастайныя – ад магчымасці прадастаўлення жылога памяшкання ў інтэрнаце, рэалізацыі правоў маладых спецыялістаў на паляпшэнне жыллёвых умоў да ўмоў падаўжэння кантракту пасля дасягнення агульнаўстаноўленага пенсійнага ўзросту, выканання патрабаванняў па ахове працы.

Усім , хто звярнуўся на прыём, былі дадзены тлумачэнні патрабаванняў заканадаўства, а калі пытанне патрабавала вывучэння або праверкі, прымаўся пісьмовы зварот.

Правядзенне сумесных выязных прыёмаў грамадзян не толькі дапамагае працоўным вырашаць узнікаючыя ў іх прававыя пытанні, але і дае пракурорам інфармацыю аб стане законнасці на тым ці іншым прадпрыемстве або арганізацыі, якая ў далейшым выкарыстоўваецца пры планаванні нагляднай дзейнасці.

Начальнік арганізацыйна-кантрольнага аддзела І.В.Марозаў