Пасяджэнне аблвыканкама: чвэрць даходаў бюджэту Віцебскай вобласці ў I паўгоддзі сфарміраваў прыватны бізнес
На 1 ліпеня на тэрыторыі вобласці налічвалася 30,8 тыс. суб'ектаў малога і сярэдняга прадпрымальніцтва, у тым ліку 8,6 тыс. юрыдычных асоб і амаль 22,2 тыс. індывідуальных прадпрымальнікаў. Высокая шчыльнасць малога і сярэдняга бізнесу назіраецца ў Віцебскім, Полацкім, Глыбоцкім і Лепельскім раёнах, Віцебску і Наваполацку.
"У Віцебскай вобласці ад суб'ектаў прадпрымальніцтва за паўгода паступіла Br191,6 млн, што склала 24,6% у агульных паступленнях у кансалідаваны бюджэт. У Талачынскім, Шумілінскім і Пастаўскім раёнах бізнес напаўняе бюджэт больш чым напалову. Больш за 143 тыс. жыхароў рэгіёна працуюць у прыватных арганізацыях, што каля траціны ад колькасці усяго занятага насельніцтва", - удакладніў Аляксандр Касцюкоў.
У гэтым годзе плануецца выдаткаваць Br1,8 млн на развіццё інфраструктуры падтрымкі прадпрымальніцтва. Важнай застаецца інфармацыйная работа з прадпрымальнікамі або жадаючымі стварыць бізнес, каб яны ведалі палажэнні прававых актаў і існуючыя ўмовы вядзення сваёй справы. У рэгіёне дзейнічаюць тры бізнес-інкубатары і восем цэнтраў падтрымкі прадпрымальніцтва. Пры аблвыканкаме і ў рэгіёнах ёсць саветы па развіцці прадпрымальніцтва, мэта якіх - сфарміраваць дыскусійныя пляцоўкі для вырашэння пытанняў бізнесу на мясцовым узроўні, распавёў Аляксандр Касцюкоў.