Захацелася «лёгкіх» грошай

Рашэннем суда Чыгуначнага раёна г. Віцебска было адмоўлена ва ўдовлетворенні іска машыністаў лакаматыўнага дэпо Полацк да УП «Віцебскае аддзяленне Беларускай чыгункі» аб аднаўленні на працы, спагнанні сярэдняга заробку за час вымушанага прагулу.

Віцебскім абласным судом названае рашэнне пакінута без змены.   

У ходзе судовага пасяджэння было ўстаноўлена, што шасцёра машыністаў лакаматыўнага дэпо Полацк звольнены за здзяйсненне дзеянняў, якія паслужылі падставай для страты даверу да дадзеных работнікаў.

Так, Генеральнай пракуратурай Рэспублікі Беларусь накіравана ў суд для разгляду па сутнасці крымінальная справа па абвінавачванні шэрагу жыхароў Віцебскай вобласці ў здзяйсненні злачынства, прадугледжанага ч.3 арт.228¹ КК Рэспублікі Беларусь (незаконнае перамяшчэнне тавараў праз мытную мяжу).

Устаноўлена, што ў перыяд з красавіка па кастрычнік 2016 года грамадзяне Рэспублікі Беларусь, дзеючы ў складзе арганізаванай групы, наўмысна ажыццявілі неаднаразовае незаконнае перамяшчэнне цыгарэт беларускай вытворчасці праз мытную мяжу Еўразійскага эканамічнага саюза па-за вызначанымі заканадаўствам месцамі перамяшчэння тавараў праз мытную мяжу, выкарыстоўваючы спосабы, якія затрудняюць выяўленне тавару пры візуальным аглядзе без прымянення спецыяльных тэхнічных сродкаў мытнага кантролю, хаваючы перамяшчаемыя цыгарэты ў паўвагонах з каменным вугалем, што перавозіліся таварнымі цягнікамі, якія следуюць па маршруце Полацк-Даўгаўпілс.

Адным з умоў, якія спрыялі здзяйсненню названага злачынства, з'яўлялася аказанне за матэрыяльнае ўзнагароджанне машыністамі лакаматыўнага дэпо Полацк УП «Віцебскае аддзяленне Беларускай чыгункі» садзейнічання, якое заключалася ў паведамленнях кіраўнікам арганізаванай групы аб датах і часе адпраўлення таварных цягнікоў пад іх кіраваннем са станцыі Полацк у Латвійскую Рэспубліку, інфармаванні аб уключэнні ў склад цягніка паўвагонаў з каменным вугалем, а таксама зніжэнні хуткасці руху саставаў у пэўных месцах, што давала магчымасць удзельнікам

арганізаванай групы на хаду пракрасціся ва ўказаныя паўвагоны і схаваць перамяшчаемыя цыгарэты.

Як правіла, гэта адбывалася на ўчастках маршруту, якія мелі зацяжныя ўздымы, што дазваляла машыністам зніжаць хуткасць да мінімальнай. З гэтай прычыны пры расшыфроўках хуткамерных стужак зніжэнне хуткасці руху саставу не ўспрымалася надзвычайным здарэннем.

Активное садзейнічанне машыністаў удзельнікам арганізаванай групы ў здзяйсненні злачынства дазволіла апошнім незаконна пераправіць на тэрыторыю Латвійскай Рэспублікі больш за 70 тысяч пачак цыгарэт.

Старшы памочнік Віцебскага
транспартнага пракурора
малодшы саветнік юстыцыі Е.А. Казакова.