Чыгунка – не месца для гульняў
Збольшага іх прысутнасць на чыгунцы звязана з гульнямі, забавамі, неарганізаваным вольным часам. У такіх сітуацыях, па словах памочніка Віцебскага транспартнага пракурора Алены Янчыленкі, непаўналетнія не толькі падвяргаюць небяспецы сябе, але і ўскладняюць працу транспарту, пагражаюць бяспецы руху цягнікоў, жыццю і здароўю пасажыраў, захаванасці перавозімых грузаў, наносяць дарозе немалы матэрыяльны ўрон. Любое староннее умяшанне ў дзейнасць чыгуначнага транспарту пераследуецца па законе, папярэджвае пракурорскі работнік.
Нярэдка за супрацьпраўнае дзеянне дзяцей адказваюць бацькі, у адносінах якіх, як правіла, складаецца адміністрацыйны пратакол за невыкананне абавязкаў па выхаванні. Менавіта гэтым абярнулася баловство непаўналетніх, якія падклалі староннія прадметы на чыгуначныя пуці станцыі Шуміліна. А вось падлеткі, якія наўмысна пашкодзілі папераджальныя знакі, чыгуначныя святлафоры, слупкі, агароджы і іншую маёмасць, які належыць ЖКГ Шаркаўшчынскага раёна і Віцебскаму аддзяленню Беларускай чыгункі, прыцягнуты да крымінальнай адказнасці. Дзеці прычынілі матэрыяльны ўрон на суму звыш 6,5 млн рублёў (да дэнамінацыі).
Акрамя таго, Віцебскім АУС на транспарце ў гэтым годзе прыцягнуты да адказнасці 22 непаўналетнія за распіццё алкагольных, слабаалкагольных напояў або піва ў грамадскім месцы, з'яўленне там у п'яным стане. Вялікай небяспецы падвяргаюць сябе хлапчукі і дзяўчаты, якія пераходзяць пуці у неўстаноўленым месцы, імкнучыся зэканоміць час і скараціць адлегласць. За 6 месяцаў бягучага года ў дачыненні да 63 непаўналетніх складзены адміністрацыйныя пратаколы.
У мэтах прафілактыкі правапарушэнняў і злачынстваў, папярэджання дзіцячага траўматызму і гібелі на чыгунцы Віцебская транспартная пракуратура сумесна з ІЛН Віцебскага АУС, БРСМ Віцебскага аддзялення БелЖД праводзяць прафілактычныя акцыі. Падобныя мерапрыемствы, упэўнена Алена Уладзіміраўна, дапамогуць захаваць не адно дзіцячае жыццё і яшчэ раз нагадаць: чыгунка — зона павышанай небяспекі.
Вольга БУЛАВКА, \"Віцебскія весці\".