ЖКГ па рэгіёне аб маючым адбыцца снегападзе: усё тэхніка ў працоўным стане і гатова да выхаду на лінію
Пра гэта «ВВ» паведаміла начальніца аддзела камунальнай гаспадаркі галоўнага ўпраўлення ЖКГ Віцебскага аблвыканкама Святлана Ляцяга.
У ноч на 27 студзеня працавала больш за 380 чалавек, на лінію выйшла 190 адзінак тэхнікі, растлумачыла яна. Дадаткова пры неабходнасці да барацьбы са снежнымі заносамі прыцягваюцца сілы прадпрыемстваў і арганізацый.
– Усяго прадпрыемствы ЖКГ для зімовага ўтрымання тэрыторый населеных пунктаў маюць 537 адзінак тэхнікі. З іх 95 пескасолеразмяшальнікаў, 201 адзінка снегаўборачнай тэхнікі, 104 пагрузчыкі, 127 самазвалаў, трактары для вывазу снегу. Загатавана па плане 28,2 тысяч тон пескасолевай сумесі. Уся тэхніка знаходзіцца ў працоўным стане штодня. Колькасць задзейнічанай тэхнікі і людзей залежыць ад аб'ёмаў снегападзення, – адзначыла яна.
Як падкрэслілі ва ўпраўленні, гатоўнасць камунальных службаў у гэтым годзе ўжо была праверана папярэднім цыклонам «Фрэнсіс-Улі», які накрыў рэгіён і краіну ў пачатку студзеня.