«Залатая рыбка Россонскага раёна»

«…Раз ён у мора закінуў невад, — прыйшоў невад з рыбкай, з не простаю рыбкай, — залатою…». Яшчэ б, бо рыбка абышлася рыбаку амаль у сем з паловай тысяч беларускіх рублёў. Толькі замест мора – рака, а замест невада – браканьерская трафей.

Так, ураджэнец Расонскага раёна Віцебскай вобласці ў красавіцкую ноч, знаходзячыся на р. «Нешчарда» блізі в. Парэчча, наўмысна, у забаронены час, з выкарыстаннем рыбалоўнага камбінезона здзейсніў незаконную здабычу рыбы пры дапамозе забароненага прыстасавання для лоўлі рыбы – «вентар». Зламыснік быў заскочаны на месцы здарэння і затрыманы супрацоўнікамі Верхнядзвінскай міжраённай інспекцыі аховы жывёльнага і расліннага свету. Зыходзячы з колькасці і відаў злоўленай рыбы, памер шкоды, нанесенай навакольнаму асяроддзю, у адпаведнасці з Указам Прэзідэнта Рэспублікі Беларусь ад 08.12.2005 года № 580 «Аб некаторых мерах па павышэнні эфектыўнага вядзення паляўнічай гаспадаркі і рыбалоўнай дзейнасці, удасканаленні дзяржаўнага кіравання імі» склаў 4 926 рублёў 60 капеек. Кошт за вагу рыбы склаў яшчэ 95 рублёў 34 капейкі. Такім чынам, агульная шкода была прычынена на суму 5 021 рубель 90 капеек, гэта – 239, 14 базавых велічынь, г.зн. у буйным памеры. Па факце здзейсненага дзеяння была ўзбуджана крымінальная справа ў адпаведнасці з ч.2 арт.281 КК Рэспублікі Беларусь.

У ходзе расследавання крымінальнай справы абвінавачаны, раней не прыцягваўся да крымінальнай адказнасці, учыненае раскаяўся, цалкам пакрыў прычыненую злачынствам шкоду і выплаціў устаноўленую арт. 88 КК крымінальна-прававую кампенсацыю ў памеры 50% прычыненай злачынствам шкоды (2 520 рублёў). Улічваючы названыя абставіны і тое, што здзейсненае злачынства адносіцца да катэгорыі менш цяжкіх, крымінальная справа была спынена з прызнаннем у дзеяннях абвінавачанага складу злачынства.

Да даведкі:

Асобы, у дачыненні да якіх прынята рашэнне аб спыненні папярэдняга расследавання па нерэабілітуючых падставах, лічацца раней здзейсніўшымі крымінальна-каральнае дзеянне, што абцяжарвае іх адказнасць у выпадку здзяйснення новага злачынства.

За

злачынства, прадугледжанае ч.2 арт.281 КК прадугледжаны розныя віды крымінальнай адказнасці аж да пазбаўлення волі тэрмінам на 3 гады. 

Такім чынам, жадаючы незаконна ўзбагаціцца на суму каля 950 000 недэнамінаваных рублёў, абвінавачваны расстаўся з 75 000 000 рублёў.

Лоў рыбы вясной, калі ідзе нераст, часта можа прыводзіць да значных праблем з папуляцыяй каштоўных парод рыб: яны не аднаўляюцца цалкам або ж могуць аднаўляцца на працягу многіх гадоў. Але колькасць несумленных рыбаловаў працягвае павялічвацца і ніхто не задумваецца над станам навакольнага нас прыроды, таму і існуе закон, якім устанаўліваюцца пэўныя правілы рыбалоўства. Спадзяемся, гэты выпадак паслужыць прыкладам рыбакам, паказаўшы, якія санкцыі могуць быць прыменены да тых, хто парушае закон і прымусіць падумаць, ці варта наогул рызыкаваць прыцягненнем да крымінальнай адказнасці і быць падвергнутым дастаткова жорсткаму пакаранню, з-за жадання злавіць «залатую рыбку». 

Пракурор Расонскага раёна Васіль Парусаў