24 лютага ў Віцебску пройдзе літаратурна-музычная вечарына, прысвечаная народнаму паэту Рыгору Барадуліну

Яна адбудзецца сёння, 24 лютага, якраз у дзень нараджэння вялікага паэта. Найперш у праграме – выстава яго твораў з фондаў галоўнага кнігасховішча вобласці.

Пад гітару прагучаць песні, напісаныя на вядомыя вершы Рыгора Барадуліна, у тым ліку і духоўнай тэматыкі, у выкананні выкладчыкаў дзіцячых школ мастацтваў Міхаіла Рубіна і Аляксандра Салавяна.

Успамінамі пра жыццёвыя і творчыя стасункі са славутым земляком, ілюстраванымі фотаздымкамі, падзеліцца віцебскі празаік Сяргей Рублеўскі, іншыя пісьменнікі. У вечарыне прымуць удзел шматлікія чытачы, аматары багатай літаратурнай спадчыны слыннага сына Ушаччыны.

"Витебские вести". Фота з адкрытых крыніц.