У мінулую нядзелю
католікі адзначылі светлае свята Божага Нараджэння. Біскупа Алега Буткевіча
павіншавалі старшыня абласнога Савета дэпутатаў Уладзімір Цярэнцьеў і начальнік
аддзела па справах рэлігій і нацыянальнасцей аблвыканкама Міхаіл Даніленка.
Уладзімір Уладзіміравіч адзначыў, што гэта сустрэча – магчымасць павіншаваць не толькі біскупа, але і ўсіх прадстаўнікоў гэтай канфесіі, якія пражываюць на тэрыторыі вобласці. Свята збірае на ўрачыстыя службы ўсё больш вернікаў. І ўвогуле робіцца вельмі шмат добрага і карыснага.
Каталіцкі касцёл сёння адыгрывае вялікую ролю ў выхаванні падрастаючага пакалення, клапоціцца пра састарэлых і хворых, у прыватнасці, тут можна згадаць дабрачынную арганізацыю «Карытас». Кожная парафія вядзе вялікую працу з людзьмі, прылучае да веры і дабра.
У сваю чаргу, ксёндз-біскуп падзякаваў за тую дапамогу, якую абласныя ўлады аказваюць каталіцкаму касцёлу, і выказаў спадзяванні на далейшае супрацоўніцтва ў духоўным адраджэнні нацыі.
Алесь БЫНЬКОЎ, фота Дзмітрыя ОСІПАВА. «Витебские вести».
Подписывайтесь на нас в Telegram